Rien à dire d’avantage comme description de ce blog; rien à rajouter au titre
لا أجد وصفاً... يفوق... الإسم
Don't know what to say more to describe this blog; no more words are possible
أولاً- إذا وصلت إلى هنا فأكتب تعليقاً فهذا أقل واجب - ثانياً- الأغبياء والجهلاء والبخلاء يمتنعون دوماً عن التعليق فشكراً لهم - ثالثاً- المنافقون والسفلة يظهر نفاقهم فى لحن الكلام والجهر بالسوء من القول - رابعاً- نوجه بصقة (إتفوووه) بحجم بحيرة ناصر أمام السد العالى لكل المُخبريين - ولا ننسى (هالة) العفن المحيطة بهم - فهم لايدركون أنهم من النوع الغشيم للغاية - خامساً- طظ فيهم كلهم
Il n’y a pas plus mauvais qu'y passer sans rédiger un commentaire; seuls les fous n'en écrivent rien
الوطـن يـُحـيـه الأوفــيـاء المخلصون ويـقـتــُلـه اللصوص الـراضـخـون المهرولون، فـأيـهـم أنـت ؟ - [الـعـِلـم فـى الـغـُـربـة وطـن - والـجـهـل فـى الـوطــن غــُربـة] - هل قال (إبن رشد) هذه العبارة - لا أعتقد - لكن فى فيلم (المصير) قالوا هذا - يعنى ! - على أى حال هذا لن يغير من الأمر شيئاً - فالجهل ينخر فى عظام هذه الأمة وعلى رأسها - كالمعتاد - مصر

الحاكم الذى يعاند شعبه يدمر بلده ثم يدمره الشعب - ولن يتعظ أحد من حكامنا

قد أسمعتَ لو ناديتَ حياً - ولكن لا حياة لمن تنادى - ولو ناراً نفختَ بها أضاءت - ولكن أنتَ تنفُخُ فى رماد

لكم فى ثورة تونس وهروب الطاغية عبرة يا أولى الألباب فى مصر إن كان فى مصر أولى ألباب


إذا الشّعْبُ يَوْمَاً أرَادَ الْحَيَـاةَ - فَلا بُدَّ أنْ يَسْتَجِيبَ القَـدَر

وَلا بُـدَّ لِلَّيـْلِ أنْ يَنْجَلِـى - وَلا بُدَّ للقَيْدِ أَنْ يَنْـكَسِـر

.

هرم

الــثــورة

الشـعـبيـة المـصـريـة

منذ 25 ينايـر 2011: تاريـخ سـائـل

يـجرى فى شرايين مـصر شعـاره ومـطلبه الأول والأساسى

الشـعب يـُريد إسقـاط النظـام - الشـعب يـُريد إسقـاط الرئـيس

وأخيراً أسقط شعب مصر نظام مبارك العميل لإسرائيل عصر الجمعة 11 فبراير 2011 الحمد لله

والمجنون الليبى مُعمّر القذافى يقتُل المئات ويجرح الآلاف من شعبه على يد المرتزقة الأفارقة يوم 20 فبراير 2011 - فكم يوماً بقى له حتى يزول؟

تحية من القلب إلى جيش مصر العظيم الذى يحمى ويصون ثورة الشعب كما يحمى ويصون أرض مصر وكرامتها وحضارتها ومستقبلها بإذن الله

مواقع

Find Latitude - Longitude: Very rapid data on mouse crosshair

http://www.findlatitudeandlongitude.com/?loc=njamena,chad

مصرنا - جريدة إليكترونيةhttp://www.ouregypt.us/culture/main.html

الأهرام الإليكترونيةhttp://gate.ahram.org.eg/Index.aspx

الأهرام الرقمىhttp://digital.ahram.org.eg/home.aspx

الأهرام الورقىhttp://digital.ahram.org.eg/youmy/EventBrowes2.aspx?addd=49161

http://www.ahram.org.eg/pdf/Zoom_1500/index.aspx

جامعيون من أجل الإصلاح - جامعة القاهرةhttp://www.jam3uon.com

جف البحر المتوسط خلال ألف سنة بعد إنغلاق مضيق جبل طارق منذ 6 مليون سنة فى حقبة الميسينيان بنهاية عصرالميوسين فنشأ النيل الافتتاحى (إيو نايل) فى مصرhttp://en.wikipedia.org/wiki/Messinian_salinity_crisis

http://daphne.palomar.edu/pdeen/Animations/23_WeatherPat.swfAnimation Hadley Cell

http://www.nodvin.net/snhu/SCI219/demos/Chapter_7/Chapter_07/Present/animations/50_1_2_1.html

شاهد (خلبة هادلى) وأعرف أن هوائنا يتحرك بضغطه المرتفع نحو خط الإستواء وبه رطوبة هى التى تأتينا لاحقاً بالجريان السطحى فى النيل لكنهم يجادلون لأنهم لايريدون عمداً أن يفهموا أن ماء النيل هو ماؤنا قبل ان يكون مائهم حتى والدنيا بتمطر فى إثيوبيا - بسبب التبريد الكظمى (أدياباتك) الذى يتم بصعود هواء رطب لأعلى فيمطر عندهم تحت ضغط منخفض - فأمطار إثيوبيا هى رطوبتنا التى ذهبت لهم مع هواء صحارينا لتمطر عندهم ثم تأتينا فى النيل

المناخhttp://weather.about.com/od/educationalmaterials/tp/weather_animations.htm

عرض متحرك لأانماط التساقط المائىhttp://profhorn.meteor.wisc.edu/wxwise/precip/precip.html

إعصار

http://www.suu.edu/faculty/colberg/Hazards/Hurricanes_Noreasters/Hurricane_Anim_2.html

وزارة التعليم العالى والبحث العلمى

http://www.facebook.com/Official.Higher.Edu.Sci.Research?sk=wall

ملتقى دراسات عليا زراعة القاهرة

http://www.facebook.com/home.php?sk=group_111330905610798&notif_t=group_added_to_group

FBML<> برمجة فيس بوك - إبقى قابلنى لو فهمت حاجة

http://www.phpeveryday.com/articles/Facebook-Programming-Facebook-Platform-P845.html

الموقع الرسمى لجامعة القاهرةhttp://www.facebook.com/cu.edu.eg?sk=info

جزيرة بث حى فيس بوكhttp://www.facebook.com/aljazeerachannel?sk=app_4949752878

موقع للاستبيان الآلىhttp://auto-survey.net/

قسمhttp://soilcu.webs.com

مجتمع مدنىhttp://sciencemadani.webs.com

فقالت هل من مزيد؟

samedi, octobre 02, 2010

Le Message numéro 100 الرسالة رقم مائة على (مدونتى) الماسية الغبية العبيطة








هذه هى الرسالة رقم مائة التى أنشرها اليوم على  مدونتى الرائعة جداً - وهى طبعاً أهم مدونة على سطح الكرة الأرضية والمريخ وعطارد وزحل والمشترى وكل ما هو معلوم وكل ما قد يستجد من كواكب المجموعة الشمسية  - كوكب إيه بقى إللى حايستجد ده فى المجموعة الشمسية إن شاء الله؟ - هى المجموعة الشمسية ناقصة زحمة  - دى مليانة على آخرها وعلى فـُمة عينها كواكب من كل الألوان إللى قلبك يحبها - أو لا يحبها ولا يطيق ريحتها - من كل لون يابطسطا -قال كوكب يستجد فى المجموعة الشمسية قال - ده بـُعدكم يا بـُعدا - ده بـُعدكم يا ولاد الكلب يا غجر - فمدونتى النميسة البسيطة الكبيسة هى بللورة خالصة من الألماس الحر الأزرق - نعم ياخويا؟ - الذى ليس له نظير فى الكون كله - لأنها ألماسة غرقانة فى البحر الأزرق المتوسط - ولأنها مدونتى العبيطة الغبية الخيبانة الصدمانة العدمانة - ولأنها مدونتى أنا - مش مدونة الجيران - وعشان كده هى أحلى مدونة فى العالم - وهى مدونة للأحرار ولأعداء الصهيونية وللناس إللى عندهم دم فى خلقتهم - لكن هما فين الأحرار دول؟ وهما فين أعداء الصهيونية؟ وهما فين الناس إللى عندهم دم فى خلقتهم دول إن شاء الله كده؟- أنا طبعاً بأدن فى (مالطة) - بادن فى (مالطة) بادن فى (مالطة) - طيب وماله - ما هو... برضه (مالطة)... حلوة - قصدى... يعنى... (مالطة) مش بطالة - يعنى - بس بشرط إنها تكون فعلاً مجرد (مالطة) وبس.. مش... أى حاجة تانية - لاسمح الله والا حاجة

بدأت تحرير هذه المدونة - إللى ملهاش أى لازمة فى الدنيا - فى 18 يوليو 2010 - ووصل اليوم عدد ما حررته بها من رسائل - خلال تلك الأيام السوداء - بالتفصيل الممل من السواد البتنجانى الغامق - 75 يوم - إلى العدد قبل الماسى أى 99 رسالة - فأضفت إليهم اليوم هذه الرسالة المئوية - وهى رسالة معتوهة جداً لأنها خاصة بالاحتفال الوهمى الأهبل جداً بالعيد المئوى السعيد لرسائل البحر وطفو تلك الرسائل البحرية القارية العربية الفرنسية الإنجليزية المتحدة إلى عرش الصحافة العالمية الفردية - حيث يحرر كل واحد الجرنان بتاعه على مزاج مزاج أهل إللى خافوه - ثم يبقى هو القارىء الوحيد والوجيد لهذا الجرنان الفردى العبيط جداً - يعنى كده من باب زيادة التأكيد على الإنفصال الجينى العقائدى المعنوى البدائى التعبوى الإنبعاثى الإحتباسى الحرارى المزدهل - المزخرف جداً باللونين فوق البنفسجى وتحت الأحمر المدمرين لهذا العالم الأهبل العبيط المجنون المحيط بنا - بدءاَ من بشر معظمهم أوباش ولاد كلب - ومالهمش أى لازمة فى الدنيا - ومش عارف أصلاً إزاى ربنا سايعهم فى ملكه - إلى الحر المجنون هذا الصيف 2010 - حر ملوش نظير (تقول إيه بقى بشاير العهد الجديد السعيد للاحتباس الحرارى بسبب منخوليا أهل كوكب الأرض الأوباش ولاد الكلب إياهم) - وربما يكون هو آخر صيف يشهده العالم - أو أشهده أنا - فى هذا العالم - ثم بعده خلاص بح وباى باى - إلى قلة القرش - إلى قلة العقل - إلى زملاء من أجبن خلق الله وأخبثهم وأغباهم وأكثرهم جهلاً ونذالة - إلى أصحاب أندال ولاد أندال - وكل ما عدا ذلك من هبالة ووساخة فى الدنيا

أما عدد القراء فقد تجاوز بالكاد 424 قارىء وقارئة (يعنى زى الكورة أربعة - إتنين - أربعة) (أو زى رقم القرار الشهير جداً من بين كل قرارات الأمم المتحدة اللذيذة جداً والمعدَّة خصيصاً للف أى أكلة هايفة تؤكل ساخنة مع أى بيتزا باردة ومعفنة تقدر تشتريها من الفرارجى إللى جنب بيتكم وترميها على طول فى الزبالة) - هذا طبعاً فضلاً عن السيدة المشهورة جداً السيدة (فى المشمش) الشهيرة أحياناً بالإسم الشيك على بياض (قارئة الفنجان) - طبعاً وبكل تأكيد دى قارئة مهمة جداً جداً وأزعل أوى خالص (زى حسين نجيب - بك - ما قال لليلى مراد) لو مظهرتش ع الشاشة مرة كل سنة - حننهب ؟

وطبعاً معظمهم قراء أونطة - بس 5 منهم ناس محترمين جداً - واحد منهم إنسان لبنانى محترم جداً عايش فى أستراليا من 35 سنة - وواحدة منهم شابة سورية مهندسة وحاملة دكتوراه من انجلترا وعايشة فى أمريكا - وواحدة فلسطينية معيدة لغة انجليزية فى جامعة بير زيت فى القدس - ومعيد مصرى أو إثنين فى إيطاليا وهولندا - وخلاص

طظ فى قلة عدد القراء

فعدد القراء مسألة غير هامة فى أى شىء خالص مالص حالص بالص وكمان طالص على رأى ستنا المبجلة (أم قويق) وأختها المعقدة شوية الشهيرة بـ (أمنا الغولة) وأخيهم المرعب (أبو رجل مسلوخة) وكافة أعضاء فريق (الأسد المرعب) إللى لسة بيلعب كورة شراب فى الوسعاية إللى قدام جامع (أحمد إبن طولون) - بالمناسبة الجامع ده من أجمل جوامع القاهرة مش عارف ليه هو وبيت (أندرسن) إللى لازق فيه وإللى كان أصلاً بيت (شاهبندر التجار) قبل (الشاهبندر) وأصحابه من (المماليكثم مليونيرات ثم مليارديرات (الغورية) و(الأزهر) و(تحت الربع) ما يعزّلوا إلى (الزمالك) ثم (مصر الجديدة) ثم (المعادى) ثم (أكتوبر) ثم (مارينا) ثم (شرم الشيخ) هروباً من وجوه (الصعاليك) - وبعدها وقبلها كانوا قد أرسوا المبدأ الخالد خلود الدَهر والزَهر والمَهر والعُهر - لا فضت أفواههم :- (إللى معهوش ما يلزموش)

فأنا أكتب لنفسى فقط - ثم أكتب أحياناً للتاريخ وللجغرافيا وللجيولوجيا والهيدرولوجيا ولعلم البطيخ - (الشيليان) بتاع زمان إللى ماعدش فيه منه - ولسائر العلوم والآداب والفنون التى انقرضت بسبب تلوث قاع المحيط من غرب استراليا وحتى شواطىء حضرموت واليمن الذى مازال سعيداً جداً (مش عارف ليه - يمكن الأخوة الحوثيين هم سبب السعادة لأنهم الأصحاب المخلصين لمعالى صاحب الفخامة السيد الرئيس الدائم والمستديم - هوه كمان - يعنى جت عليه ووقفت ما هو برضه من أذكى القادة العرب - ولا هو فيه إيه بالضيط ؟ - الأخ عبد الله صالح أفندى - موحد القطرين فى بلاد (زرقاء اليمامة) - وعلى فكرة الأخت "زرقاء اليمامة" باين عليها كده - من ناحية قافية الإسم يعنى - الأخت الشقيقة - أو الأخت بالتبنى - مش عارف بالضبط - لسيدة الشاشة العربية فاتن حمامة - لاحظ العلاقة بين الحمامة واليمامة - ما هو إحنا بقى - عقبال أمالتك - (عرب مستعربة) وهما بقى (عرب عاربة من بنى قحطان وبنى عدنان) - أو (عرب هاربة) مش مهم - أو عرب من إللى ما بيكرهوش حد فى الدنيا قد ما بيكرهوا أنفسهم - كده لله فى لله - ومحدش عارف ليه - وبدون أيتها سبب وجيه ومقنع - وبالمناسبة هى الحرب فى (اليمن السعيد) خلصت على إيه ؟ وبجد بقى هى الحرب دى أصلاًَ قامت ليه ؟ وعشان إيه ؟  - حد عنده فكرة ؟ - طب بلاش السؤال ده - سؤال أسهل شوية : هوه فى الحلقة الأخيرة فى أى مسلسل البطل قال للبطلة إيه بالضيط ؟ أصلى أنا ماعدتش باتفرج ع التليفزيون خالص تقريباً - وحتى السينما بقالى يجى عشر سنين ما دخلتهاش عشان برضه كل الأفلام زفت فى زفت مهروس بعصير (القطران) والنيكوتين الشوكى كما فى دخان السجائر بالضبط - شوف الصُدف - نيكوتين شوكى - ويمكن بجد إطلاق هذه التسمية على مُجمل الأعمال الكاملة للحياة المعاصرة المعصورة بدم قلبنا - وأحياناً بدم غلبنا - وأحياناً بدم غلنا كلنا - أو بدم غفلتنا كلنا - فى حوش المعصرة قبلى وبحرى وشرقى وغربى - وهى معصرة محندقة كده زى إللى كانت تحية كاريوكا مشغلاها فى (شباب إمرأة) وقتلها تحتها (عبد الوراث عسر) ومحدش قبض عليه لغاية دلوقت (ليه - يمكن حرية شخصية - والا حرية رأى - ولا حاجة؟) - وأحياناً تكون المعصرة فى الإسكيمو - كما فى (آيس كريم فى جليم) - وبالمناسبة هوه ده الفيلم شديد الرداءة والهيافة إللى مجرد إسمه البايخ خلانى بطلت نهائى أخش أى سينما أو أشوف أى فيلم عربى أو أجنبى من الأساس كده

فالعلوم هى أصدقائى الحقيقيون - الحقيقين - الحقيقيان - الحقيقيات - وهنا يمكنك استعمال أى جمع أو أى مفرد أو أى مُثنى أو أى مرفوع أو منصوب أو مذكر أو مؤنث أو جمع تكسير أو أى جمع وخلاص يجمع عدداً لابأس به من الأوغاد والمغاوير أو من الأشاوس والمهابيش بتوع النجوم الصفيح إياهم  - فى زمن الأصدقاء الزائفين المزيفين إللى مالهمش أى عوزه فى الدنيا خالص - فى بلد فيها خمسة وثمانين مليون نسمة - ولكن ما فيهاش ولا بنى آدم واحد يوحِّد ربنا عليى الطلا

العوض على الله - عليه العوض ومنه العوض فى مصر المحروسة

عليه العوض ومنه العوض يا مرزوق (السلطانية ؟) - وعقبال عشرة آلاف سنة على مدونتى - يعنى قد تاريخ مصر بالضبط

أقل منها لمدونتى ؟ اإللى هى طبعاَ أهم مدونة فى تاريخ البشرية - منذ العصر الحجرى والعصر البرونزى وكل العصور التاريخية (بما فيها عصر قباقيب شجرة الدر - وعصر القصب إللى محله على راس الشارع - جنب الواد تيخه المزيِّن) كلهم كده على بعضهم بربطة المعلم رضا - وجميع المعلمين الكبار فى دنيا الكوميديا السوداء المخططة على بنى غامق من أول أبو لامعة الأصلى وحتى عبقرى الزمان نجيب الريحانى - ووريثه الوحيد العبقرى محمد صبحى - وبالذات بعد اعتزال الأخير للمسرح لأسباب قهرية خارجة عن إرادة قيادة قوات الاحتلال المصرى لمصر - فى عهد إللى اختشوا ماتوا - وعهد إللى ما يتسماش إياه - ما كلكم عارفينه - ربنا ياخده ويريحنا من وشه العكر ووش عيلته كلها حتى إللى إتولدوا منهم فى انجلترا وفى ألمانيا أو حتى فى قلاع مملكة السنبلاوين البحرية - عشان ياخدوا جنسية مملكة السنبلاوين البحرية بالذات - لأن الدنيا حر فى مملكة السنبلاوين القبلية - ولأن ما حدش فى مملكة السنبلاوين البحرية كلها عنده المرارة - للأسف يعنى - لأنها اتفقعت من زمان قوى - قادر يا كريم

6 commentaires:

  1. Dear Dr. Fahmy,

    I tried to write in Arabic but I could not go on, I use some Microsoft software but it is too boring.

    Permit me to congratulate you reaching 100 article published on your blog. I created my own blog almost one year ago, I could not write continuously, I reached some of 4-5 articles. Then, I believed it is useful to nobody and I deleted it.

    I read your long satiric article about the situation in Egypt. I still believe that there is no way to resolve problem or to rebuild Egypt. You may say I am pessimistic but I am not I am the most optimistic but the situation itself says so.

    In any system, changes, revolution or whatsoever optimization come usually internally. In Egypt, the so-called democratic republic, we are three classes, putting aside the fourth class which now dominates, governs and cares about no one except their owns.

    The first class, are people like me who are trying to find a life out of Egypt and if they succeed there is a big doubt that they will think what is going over there, in Egypt.

    The second one are the one who are trying to arrive "Exactly as they express" to good level of life permitting any possibility to do so, They are lawyers, professors, doctors, military leaders who kiss the toes of the so-called national democratic party (NDP) to get a position or a promotion. Of course they care about What the NDP plans and not about Egypt.

    The third section of Egyptian are the one I name sphinx-like class; they do not move, they do not speak, they accept whatever happens showing no objection or even acceptance of what is going on.

    So there is no one to put Egypt on the right road and if there is or will be somebody, the current governors will not let him to live or to live in Egypt at least.

    Eventhough, I believe the solution, the changes, the revolution are coming for sure. But I do not know in which scenario will it come.

    Once more time, sending you greeting from Bari. In the next few weeks I will be, hopefully, reading your blog from USA.

    Hamada Abd El Rahman

    RépondreSupprimer
  2. Thank you very much Hamada. You understand the situation very well, indeed. Despite all the obstacles you and me see on the road for change, and the major transformations that have taken place in Egypt during the last three to four decades (and most of these changes was intentionally introduced just for the sake of greatly weakening the Egyptian population in order to finally destroy its resistance and to be sure that this population will never call again for a war against Israel - the whole story is intentionally, in fact, clearly agglomerating around that point in particular since Egypt is the corner-stone of any military conflict that would take place in future in the region, and she is the unique source of willingness, unique source for men, and unique source for materials, for any serious coming war in the region against Israel), I still believe there is some major change coming on the road.

    The actual regime, like any other regime of its malice and blind kind is trying to falsify everything and to close every road to hope in a pacific change, and this means that the change may happen in a violent way, I guess.
    The number of the angry people is massively increasing in the country every single day and hunger is increasing among the low-class population despite all its effort to play anything and to get an extra-sum of money in any way just to continue to live, and they see the high-end class getting, more and more, gross and giant non-honest wealth and live in protected palaces far from the ordinary people. Who is protecting them? The poor are protecting the too rich. For how long?

    RépondreSupprimer
  3. May be the regime will make a major mistake, and the population will explode and the explosion will be massive. The army? How knows, I do not believe the army will play against a major popular explosion for protecting the thieves. We are living a very unstable period, similar to the period before 1952. The picture is different yeas in many aspects including regime trying to polarize agents everywhere starting from the university professors to the high-rank police and army officers, and so on, however, there will be something missing in the regime calculation, it seems. The odor of change can be smelt flying in the air of an angry people.
    The regime is seemingly gambling on some arrangements to protect the pillars of the system,. However, the too old age of the man at the top is deranging them too much and they do not know exactly what to do and that man has lost every love anybody had for him some 25 years ago, and love has transformed into hatred to him and to his family.

    The system was silent on the talk about the inheritance of the son, and the figures of the system were testing the population for that scenario and they discovered a great angry in all classes against that spiteful and malicious project. The last few days some ministers go out and publicly say for the first time that there will be no inheritance of power in Egypt to the son Gamal.

    RépondreSupprimer
  4. They are in a poor situation, indeed. The man at the top lost his credibility put he is insisting to be in power to the last min of his life. He is triggering the country to the unknown. He had a chance to quit and to lead a democratic change through fair presidential elections. It is not the democratic change in Egypt that get Israel pleased. Look after Israel you may understand what is going on in Egypt. Since Camp David, all what is going in Egypt is explained through one secret question/phrase: where is the benefit of Israel? The Egyptian regime is there ever since Camp David because he stands for the benefit of Israel. Everything else is just a decoration. The missed calculation the regime forgets the explosive power of that stupid Egyptian population and the willingness of GOD. The regime does not put these two pieces of info/parameters into the equation.

    RépondreSupprimer
  5. معلش ليه تعليق بسيط هي اسمها مدونه حاجه كده اشبه بالمذكرات قد يروق لشخص قرائتها والتطفل عليها وقد لايروق بس بعد اذن سعادتك يعني انا اول مايلفت نظري في المدونات( عنوانهاخاصه اذا كان غريب شويه انصحك بتغيير العنوان

    RépondreSupprimer
  6. تحب أسميها (خونة مصر) بدلاً من (أوفياء مصر) عشان تمشى مع الذوق العام فى شارع الشواربى ؟

    أنا أصلاً عملت هذه المدونة للإحتفال بالبعض من (أوفياء مصر) – لأن أصلاً (خونة مصر) يحتفل بهم الكثيرون أما (الأوفياء) فلا يحفل بهم أحد ولا يحتفل بهم أحد إطلاقاً – ولذلك فهذه المدونة هى إستثناء من القواعد المرعية والمرعبة

    أما الأغانى فتوجد ألف مليون أغنية – ويتم وضع الأغانى هنا حسب الظروف – وأتمنى أن أضع بالمدونة معظم الأغانى الجميلة التى أحبها أو التى تعجبنى - لكن قد لا يتحقق هذا المنال أبداً – لأن مش كل الحلو موجود ومتاح – والحلو ما يكملش وده هو سر حلاوته وسر غلاوته – وأيضاً سر بعض عبطه

    RépondreSupprimer

تفضل بكتابة تعليقك دون تكرار ذات النص عدة مرات
لكى لا نضطر لمحو التكرار
Vous êtes bien invité à poster vos commentaires sans répéter le même texte en plusieurs postages. Les commentaires de même auteur qui affichent le même texte seront effacés

Remarque : Seul un membre de ce blog est autorisé à enregistrer un commentaire.