زيارة من المُخبرين فى وزارة الاتصالات المصرية
Ministry Of Communications And Information Technol (81.21.97.10)
ومن المُخبرين فى وزارة الاتصالات السوريةSte (syrian Telecommunications Establishment) (216.6.0.10)
لمدونتى - اليوم الخميس 7 أكتوبر 2010 الساعة 2 والساعة 4 بعد الظهر - فمتى تزورها بقية أجهزة مخابرات الدول العربية الأخرى ؟
أهلاً وسهلاً بالمخبرين من البلدين الشقيقين - الفالحين فقط فى التجسس على مواطنيهم - حللتم أهلاً ونزلتم سهلاً - وربنا ياخدكم إنتم الإتنين فى يوم واحد - قادر يا كريم
= = = = =
المسألة مش إبراهيم عيسى ولا إبراهيم موسى ولا إبراهيم فرعون ولا الدستور كله على بعضه - المسألة إن فيه خطة لضرب وتشتيت وتلغيم وتفجير كل صحف المعارضة من الداخل - وبعدين بجى الدور على فلترة الإنترنت والمدونات أو يقفلوها خالص لمدة سنة ونص - زى الصين كده - لغاية ما تعدى فترة الانتخابات كلها من أصغرها لأكبرها - طيب فاكرين لما السادات قبض على كل الناس فى اعتقالات سبتمبر 1981- حتى حسنين هيكل - وقال إنه (عايز البلد تهدأ لغاية ما ياخد طابا والعريش 1981 ؟ ) - أهم دلوقت خبراء النظام المبارك بيعملوا حاجة زى كده برضه بس بشكل جديد - وبكره نشوف يا إما حايستأنسوا جرايد المعارضة الأخرى - أو حا يفجروها من الداخل زى الدستور - ومثلاً النهاردة زار مدونتى الغلبانة الصدمانة العدمانة جوز مـخبرين من وزارة الاتصالات المصرية ووزارة الاتصالات السورية وبالبادج بتاع الوزارتين كمان عينى عينك - ومستنى بكره ولا بعده وصول السادة باقى مـخبرى العالم العربى كله (على خساب صاخب المخل - أخلين وسخلين - أخلين وسخلين) - جاتهم خيبة كلهم على بعضهم - وعندهم حق مادام الشعب من ورا الجاموسة ماشى عدل أوى - يتعدلوا هما ليه بقى - وبأمارة إيه بقى إن شاء الله كده
= = = = =
= = = = =
المسألة مش إبراهيم عيسى ولا إبراهيم موسى ولا إبراهيم فرعون ولا الدستور كله على بعضه - المسألة إن فيه خطة لضرب وتشتيت وتلغيم وتفجير كل صحف المعارضة من الداخل - وبعدين بجى الدور على فلترة الإنترنت والمدونات أو يقفلوها خالص لمدة سنة ونص - زى الصين كده - لغاية ما تعدى فترة الانتخابات كلها من أصغرها لأكبرها - طيب فاكرين لما السادات قبض على كل الناس فى اعتقالات سبتمبر 1981- حتى حسنين هيكل - وقال إنه (عايز البلد تهدأ لغاية ما ياخد طابا والعريش 1981 ؟ ) - أهم دلوقت خبراء النظام المبارك بيعملوا حاجة زى كده برضه بس بشكل جديد - وبكره نشوف يا إما حايستأنسوا جرايد المعارضة الأخرى - أو حا يفجروها من الداخل زى الدستور - ومثلاً النهاردة زار مدونتى الغلبانة الصدمانة العدمانة جوز مـخبرين من وزارة الاتصالات المصرية ووزارة الاتصالات السورية وبالبادج بتاع الوزارتين كمان عينى عينك - ومستنى بكره ولا بعده وصول السادة باقى مـخبرى العالم العربى كله (على خساب صاخب المخل - أخلين وسخلين - أخلين وسخلين) - جاتهم خيبة كلهم على بعضهم - وعندهم حق مادام الشعب من ورا الجاموسة ماشى عدل أوى - يتعدلوا هما ليه بقى - وبأمارة إيه بقى إن شاء الله كده
= = = = =
عمرو أديب كان مساحة للـ (تنفيس) عن الناس بالاتفاق والتراضى مع الحكومة - لكن خلاص زمن التنفيس عن الناس قد ولـّى - فالمطلوب الآن هو غسل مخ الناس بالرأى الحكومى المباشر حتى تنتهى سنة الانتخابات - ومن كل لون يا (باطيسطا) - فتمت إزالة علاء الأسوانى وحمدى قنديل وإبراهيم عيسى وغيرهم من المحسوبين معارضة من خارج النظام - بعد إزالة عمرو أديب المحسوب معارضة من داخل النظام - لكن النظام ماعادش قادر يستحمل أى معارضة من أى نوع لا من داخله ولا من خارجه - والدور جاى على كل جرايد المعارضة الأخرى - فهى يا إما حاترضى بالذوق بالاستئناس الحكومى لها - يا إما الحكومة حاتفجرها من الداخل زى ما عملت فى تلغيم ثم تفجير الدستور بلغم السيد بدوى وتابعه قفة وشركاهم - ثم حايجى الدور بعدها على الإنترنت وحايحاولوا يفلتروها أو حتى يقفلوا خدمتها أصلاً من بابه وحتى الـ (فيس بوك) هو و (المدونات) - زى الحال فى الصين الشعبية كده - وبأى حجة والسلام مثل الحجة العبيطة المستديمة وهى حجة (تهديد الأمن القومى المصرى) - ثم يقف الشيطان أمامنا لكى يعظ من لا يتعظ بالضرب والعزل والاعتقالات مثلما عمل السادات فى سبتمبر 1981 - والمرحلة إللى جاية من المؤكد أنها سوف تكون أسوأ - بس إحنا شعب بيحب قوى ينام فى العسل ويشرب ملعوب مثل ملعوب عمرو أديب وغيره - ويعمل فيها أهبل وعبيط - وإنه مش فاهم إى حاجة فى إللى بيجرى حواليه فى الدنيا
= = = = =
Aucun commentaire:
Enregistrer un commentaire
تفضل بكتابة تعليقك دون تكرار ذات النص عدة مرات
لكى لا نضطر لمحو التكرار
Vous êtes bien invité à poster vos commentaires sans répéter le même texte en plusieurs postages. Les commentaires de même auteur qui affichent le même texte seront effacés
Remarque : Seul un membre de ce blog est autorisé à enregistrer un commentaire.